Javascript DHTML Drop Down Menu Powered by dhtml-menu-builder.com
zweeloeere
vanpier
Oeëtrooping Groeëte Preens van Luueke
26-01-2019



 
Op zoaterdig 26 januari j.l. zeen in unne bomvolle zaal Jonas
 
  Stan Sporen
 
  oeëtgeroope tot ieërste Groeëte Preens van VV De Zweeloeere op Luueke.  
 

Mieëne naam es Stan Sporen, zoeën van Niky Sporen en Susanne van Cor van Jan de Bêls Verhoeven, un Luuëker maegtje van de St. Job straot. Ich heb eine aojere broor Nick. Dae es tambourmaeter beej St. Job. Ich bin geboeëre en getoeëge heej op Luuëke woee auch ut Vastelaovendj geveul es ontstânge.

Mien opa woor slaagwêrker beej de boorekepèl en dae hieët os det goôd vuur-gedaon. Mien opa’s en oma’s zulle waal gruuëts zeen en heej boeëve mej fieëste.


As ich neet aan ’t fieëste bin wêrk ich beej Unicorn, de maelfebriek aane knaal. Dao bin ich doondje in ut maggezien. Ich zal de plenning vör de aankoomendje waeke nog effe môtte bekâlle met de hoeeft-mulder.


Ich bin al 15 jaor lid van Schötteri-j St Job, dao bin ich slaagwêrker beej ut muziekkorps en schötter tieedes de schöttersfieëste.

Aod pepeer ophale doon ich auch. Vae zeen lid met ut hieële gezin. Beej de schötteri-j heb ich ut leefste maegtje oppe werreldj lieere kinne.

Ut stieët heej naeve mich, Kelly Janssen. Ut es un echt Schäöpke en hieët ut Vastelaovendj blood auch doeer de aore stroûme.  Dao bin ich hieël bleej mej, want waat mos ich sônger um, en zieëker noow.


Met St. Job loupe vae eeder jaor mej in de groeëte Rogstaekersoptocht.
Eeder jaor auch, haale vae met St.Job ut jeugdpreensepaar van de Zweeloeere muzikaal op. D’r zulle dus wat dîngskes aangepasj motte waere dit jaor. Ich laot mich mer verrasse.


In miene vreeje tiêd doon ich gaer fietserenne, deks saame met oees pap. Asj un bitje waer es bin ich op m’n fietske te vînge.  Ich kiek auch gaer nao ut voetballe.


Ich heb ingestêldj, de orde van de slaagwêrker.


Aan mich es de ieër gegaeve um heej as ieërste groeete Preens van de Zweeloeere te mooge staon en dao bin ich verrêkkes gruuëts op.

 
     



  Ich bin de insteller van de Orde van:  
     
  “ de slaagwêrker'  
     
  Hae zal us vuuergaon ônger zien devies:  
     
  ‘’Met de trommelstek in de hand ,  
  fieëste vae doeer ut Zweeloeereland !’’  

 

   


 
Fotografie:Loes Mennen
Trök nao 't nowsoeëverzicht
 
   
   
© V.V. De Zweeloeere | A: Sabinastraat 15 6004 JD Weert | E:info@zweeloeere.nl| I: www.zweeloeere.nl |
>