Javascript DHTML Drop Down Menu Powered by dhtml-menu-builder.com
zweeloeere
vanpier

Leef mînse,

 











 

Ich , preens Henrie I vanne Zweeloeere van Luuëke bin gruuëts dét ich dit jaor de Groeëte Preens moog zeen van dieës schoeën vereiniging. Neet ‘n klein bîtje gruuëts, mer hértstikke gruuëts en daorum laot ich mien hért spraeke. Vastelaovendj es ‘n fieëst woeë det vae de zörg van alledaag mooge vergaete, mer vae mooge de realiteit neteurlik neet hieëlemaol uut ut oug verleeze. Daorum hebbe vae, Preens Henrie I en z’n gevolg, ‘t volgendje bedachtj.

Allerieërst hoeëpe vae dejjae in groeëte getale nao mien reseptie op 9 fibberwari in Zaal Jonas op Luuëke gaotj koome. Mochtj dae dan ‘n kedootje mei-j wille me-jneme dan vraoge vae uch belaefdj um ‘t volgendje te doon. Vae zoeëje ‘t fein vînge as dejjae dan ‘n donatie wiltj doon aan Hartsave Leuken, di-j op Luuëke diverse AED apparate hebbe hânge.

Um di-j te ôngerhaoje en te kiune vervânge en ouch um de vreejwilligers beej te schoeële es gêldj noeëdig. Wi-j schoeën esj as vae met z’n alle dao mei-j mînse kinne redde. Mien adjedânte zölle eur donatie gaer in ontvangst neme. Vae hoeëpe dejjae d'r gehuuër aan wiltj gaeve.

Vastelaovendj diênsdig de 25e gaon vae op ut îndj vanne middig de opbrîngst bekindj make.

Tiêdes oeës bezeuke aan de diverse zöster vereiniginge gaon vae de dao reseptie haojende hoeëgheede ouch beredj vînge um oeës kedo in ontvangst te neme en Hartsave Leuken te stuuëne!!!!!

Nogmaals, d'r es niks verplichtj, mochtdjae wat wille donieëre dan és det hértstikke fein, zoeë neet ouch gein probleem.

Vae wînse uch unne kei-j schoeëne Vastelaovendj ônger mien devies : “met dieës daag zette vae nemus boetespel en gaeve aan dit fieest un fleenke lel !’

Alaaf, preens Henrie I Zweeloeere Luuëke

Trök nao 't nowsoeëverzicht

 

 

 

 

 

 

© V.V. De Zweeloeere | A: Sabinastraat 15 6004 JD Weert | E:info@zweeloeere.nl| I: www.zweeloeere.nl |