Javascript DHTML Drop Down Menu Powered by dhtml-menu-builder.com
zweeloeere
vanpier
Oeëtrooping Preensepaar Luueke
27-01-2019



 
Op zoondig 27januari j.l. zeen in unne bomvolle zaal Jonas
 
  Mats van Knippenberg & Nicky van Tilburg  
  oeëtgeroope tot ut Jeugdpreensepaar van VV De Zweeloeere op Luueke.  
 

Ich bin Mats 1, hieërser 2019 van ut Zweeloeëre rieëk heej op Luuëke. Ich bin al 11 jaor unne zoeën van ‘s Pap en ’s Mam.

‘s pap és Aod Landhieër Marco 1e van Knippenberg en os mam és Maaike de Groot en det és weer un dochter van Jacques de Groot,dae kîn-jae misschien waal. Iets met unne Gouwe Rog, de Zweeloeëre en unne kebouter...Mér det és al lang gelieëje.

Ich heb auch nog unne broor Dirk. Dae és jeugdboorebroeëdegom gewaesj op ut Groenewoud en deej auch mét inne Jeugdraod van Elluf inne stad.Vae hebbe same dekker mét gedaon inne wichteroptocht. Vae zeen echte vastelaovundjvieërders.

Same woeëne vae oppe Schuttebeemd, same mét oeëze hoond Duuk.

Ich zit in groep 8 van IKC Luuëke, beej mien Jeugdprinses inne klas.Mien groeëtste hobby és handballe. Ich zit inne D2 van HV Rapiditas en det és un tof team!

De vastelaovundj vîng ich kei-j sjiek en ich vîng ut geweldjîg det ze mich zeen kaome vrooge vör de Jeugdraod van elluf. Wi-j ze mich auch nog vrooge of ich Jeugdpreens zoeëj wille waere waas ich effekus stil. Det haaj ich neet verwachtj. Ich heb ut 3 maondj geheim motte gehaoje mér noow knal

ich ut d’r uut! Ich bin eure Jeugdpreens!!!

Neteurlik vînge vae ut kei-j sjiek dét de Zweeloeëre dit jaor vör de1e kieër unne Groeëte Preens hebbe! Vae gaon d’r same met oeëze groeëte collega unne te gekke vastelaovundj van make!

 
 

 

 
 

Ich bin Nicky en bin eur Jeugdprinses 2019! Ich vieër al mien hieël laeve vastelaovundj.Noow ieërst iets over mich zelluf, ich bin Nicky van Tilburg en bin 11 jaor.Woeën oppe Oogststraot heej op Luuëke same met mien aojers Rob van Tilburg, Sonja Mols en mien kat Muffin.

Mien hobby’s zeen vollyballe, game en vastelaovundj vieëre. Ich vollybal beej VC Wieërt in de C in un kei-j sjiek team.

De leste 2 jaor heb ich mét geloupe inne femiêlieoptocht heej op Luuëke, same mét ‘’De luuëker badjes’’ en in 2014 heb ich Luuëke hieët talent gewonne.

Noow gaon ich uch vertelle wi-j ich gevraogdj bin tot Jeugdprinses. Op 16 oktoeëber in de herfstvekânsie ging s’aoves de duuërbel. Dao stonge 3 vröllie aan de duuër.

Mien mam en ich zagte geliêk ‘’di-j zeen van de vastelaovundjvereiniging’’ gâw maakdje vae de duuër oeëp.Ut waas inderdaad ut commitee vanne jeugdvastelaovundj.

Ze vrooge of ich inne Raod van Elluf woeëj, det woeëj ich waal. Ich waas bli-j det ich d’r beej mocht zeen, mér leêver waas ich Jeugdprinses gewaesj.

Gelökkig vrooge ze daonao of ich neet wat ângers haaj wille waere. ‘’Jao, ich haaj ut leefste Jeugdprinses wille zeen, zag ich ’’Toen kwoom de vraog of ich det dan zoeëj wille waere. ‘’JAO, neteurlik!’’

En ich moog Jeugdprinses vanne Zweeloeëre waere.Ich kôs ut neet geluive, ich waas zoeë bli-j! Toen mocht ich miene Jeugdpreens gaon belle en raoje weem ut waas.

Ich waas hieël bli-j wi-j ich huuërdje det ut Mats waas.Toen moste vae ut 3 maondj geheim haoje, neet te daon! Mér noow kân ich ut tieëge edereîn zégke.

Ich bin Jeugdprinses van de Zweeloeëre 2019!

 
     
     
     
  Saame zeen vae de instellers van de Orde van:  
  “de Knallendje balle'  
     
  Ze zulle os vuuergaon ônger eur devies:  
  ‘’Hatseflats, met Nicky en Mats  
  knalle vae de vastelaovundj in!  
     
     
     
   


 
Fotografie:Naomi Winters
Trök nao 't nowsoeëverzicht
 
   
   
© V.V. De Zweeloeere | A: Sabinastraat 15 6004 JD Weert | E:info@zweeloeere.nl| I: www.zweeloeere.nl |
>